Gwireddu Uchelgais

Mae’r broses ymgeisio yn awr ar gau a bydd penderfyniadau ynglŷn â pha ymyrraethau a fydd yn cael eu hariannu yn cael eu gwneud yn ystod mis Mawrth.

Mae rhaglen ‘Gwireddu Uchelgais’ y Gronfa Loteri Fawr yn fenter ledled y DU fydd yn buddsoddi £25m mewn prosiectau sydd wedi profi fydd yn gwneud gwir wahaniaeth i fywydau plant a phobl ifanc sydd mewn perygl o droseddu, fel y gallant gyflawni eu potensial. Bydd y rhaglen yn gwneud hyn trwy helpu i ddyblygu’r arfer gorau oll seiliedig ar dystiolaeth fel bod mwy o blant a phobl ifanc yn derbyn yr ansawdd gorau o ran gwasanaeth.

Beth yw nod rhaglen Gwireddu Uchelgais?

Mae rhaglen Gwireddu Uchelgais am gael y deilliannau canlynol:

Cael mwy o blant a phobl ifanc i fanteisio ar gyfleoedd a chefnogaeth gan eu galluogi i gyflawni eu potensial, gan osgoi llwybrau i droseddu

Trefnu fod gan fudiadau sy’n gweithio gyda phlant a phobl ifanc well tystiolaeth o’r hyn sy’n gweithio er mwyn osgoi llwybrau i droseddu ieuenctid a’u bod yn gallu dyblygu’r agweddau mwyaf effeithiol

Loteri Fawr ac eraill yn dysgu beth yw’r ffordd orau i adnabod a chefnogi dyblygu arfer profedig

Sut y bydd y rhaglen Gwireddu Uchelgais yn cyrraedd y deilliannau hyn?

Mae’r rhaglen Gwireddu Uchelgais am gyrraedd y deilliannau hyn trwy ddyblygu ymyriadau, hynny yw, prosiectau neu raglenni, a brofwyd i wyro plant a phobl ifanc oddi wrth lwybrau i droseddu, neu leihau ffactorau risg sy’n gysylltiedig â llwybr i droseddu.

Mae ‘dyblygu’ yn golygu lledaenu ymyriad profedig i feysydd daearyddol eraill neu at gynulleidfaoedd eraill neu wahanol o blant a phobl ifanc. Ni fydd rhaglen Gwireddu Uchelgais yn cefnogi mudiadau nad ydynt ond eisiau ehangu, h.y., cynyddu nifer y plant a phobl ifanc sy’n derbyn gwasanaeth ar hyn o bryd heb ledaenu at gynulleidfaoedd newydd a/neu wahanol.

Ym mis Awst, penododd BIG gonsortiwm dan arweiniad Catch22, gan weithio gyda’r Sefydliad Ifanc, yr Uned Ymchwil Cymdeithasol, Rathbone a Substance, i nodi 20 o’r ymyriadau gorau ar draws y DU allai fod yn addas i’w dyblygu.