Cyllid a chefnogaeth

Pa gefnogaeth gaiff mudiadau trwy’r rhaglen Gwireddu Uchelgais?

Mae’r broses ymgeisio yn awr ar gau a bydd penderfyniadau ynglŷn â pha ymyrraethau a fydd yn cael eu hariannu yn cael eu gwneud yn ystod mis Mawrth.

Bwriada rhaglen Gwireddu Uchelgais gefnogi oddeutu 20 o geisiadau o bob cwr o Loegr, Cymru, yr Alban a Gogledd Iwerddon. Caiff ymgeiswyr llwyddiannus eu cefnogi i ddyblygu ymyriad seiliedig ar dystiolaeth trwy gyfuniad o gefnogaeth ariannol ac arbenigol. Mae cyllid ar gael am rhwng tair a phum mlynedd, i gyd-fynd â phecyn o gefnogaeth arbenigol a chymorth technegol wedi ei deilwrio. Bydd angen i’ch mudiad fod wedi ymrwymo i weithio yn ddwys gyda’r consortiwm a benodwyd i reoli rhaglen Gwireddu Uchelgais, trwy gydol cyfnod y grant i ddyblygu a gwerthuso’r ymyriad.

Faint o arian sydd ar gael trwy’r rhaglen Gwireddu Uchelgais ?

Gall mudiadau neu gonsortia wneud cais am hyd at £3 miliwn o gyllid grant. Nid oes isafswm ar faint grant, ond bydd angen i grantiau llai fod o ddigon o faint i gael effaith amlwg dros y cyfnod cyllido o dair blynedd. Bydd grantiau prosiect mwy fel arfer yn cynnwys un wlad neu ddau neu fwy o ranbarthau yn Lloegr, neu ar gyfer prosiectau i’r DU gyfan. Rhaid defnyddio’r arian yn bennaf i ddyblygu’r ymyriad. Nid oes modd defnyddio’r arian i gynnal yr hyn sy’n cael ei gyflwyno eisoes, nac i ail-sefydlu cyflwyno heb ymledu i ardaloedd a/neu gynulleidfaoedd newydd.

Mae modd gwario’r arian ar eitemau megis staffio, gwirfoddolwyr, treuliau rheoli, cyfarpar, adnoddau, cludiant, treuliau teithio ac eraill sydd eu hangen i ddyblygu ymyriad ac i ddysgu o’r broses. Rhaglen refeniw yn bennaf yw Gwireddu Uchelgais, felly telir am gyfarpar cyfalaf, gwaith adeiladu a/neu adnewyddu hyd at uchafswm o £50,000 yn unig. Rhaid i’r cyllid y gwneir cais amdano trwy’r rhaglen Gwireddu Uchelgais fod ar wahân i unrhyw gyllid gan lywodraeth ganol a/neu leol.

Mae'r cyfnod datgan diddordeb yn rhaglen Gwireddu Uchelgais bellach wedi cau.