Sut y caiff ceisiadau eu hasesu?

Mae’r broses ymgeisio yn awr ar gau a bydd penderfyniadau ynglŷn â pha ymyrraethau a fydd yn cael eu hariannu yn cael eu gwneud yn ystod mis Mawrth.

Caiff ceisiadau i fod yn rhan o’r portffolio a gyflwynir i’r Gronfa Loteri fawr eu hasesu yn wrthrychol ar draws dau brif ddimensiwn: (i) iechyd a pharodrwydd sefydliadol; a (ii) effaith cymdeithasol a safonau tystiolaeth sy’n sail i’r ymyriad.

Caiff ceisiadau eu hasesu yn ôl pedwar o feini prawf allweddol:

Sgiliau/ewyllys sefydliadol

Byddwn yn asesu sgiliau, ewyllys a pharodrwydd y mudiad sy’n gwneud y cais, ei staff, a phrif randdeiliaid i ymwneud â holl gyfnod y grant i ddyblygu’r ymyriad

Effaith cymdeithasol

Byddwn yn asesu’r ymyriad gan ddefnyddio safonau a ddatblygwyd gan yr Uned Ymchwil Cymdeithasol yn Dartington. Mae’r safonau hyn yn ymdrin â’r canlynol

• natur benodol yr ymyriad - a yw’r ymyriad yn canolbwyntio, yn ymarferol ac yn rhesymegol
• ansawdd y gwerthuso – a yw’r dystiolaeth o effeithiolrwydd ac effeithiolrwydd yr ymyriad yn ddibynadwy ai peidio
• effaith yr ymyriad – faint o newid mewn deilliannau i’r grŵp targed y gellir ei briodoli i’r ymyriad
• parodrwydd y system – i ba raddau y mae gan yr ymyriad y gefnogaeth a’r wybodaeth angenrheidiol i alluogi iddo gael ei ddyblygu.

Gallu i ddyblygu

Byddwn yn asesu a yw cynlluniau’r mudiad i ddyblygu’r ymyriad yn realistig a chyraeddadwy ai peidio

Cynnaladwyedd

Byddwn yn asesu a oes gan y mudiad fodel busnes clir a chadarn, sy’n sicrhau cynaladwyedd tra pery’r grant, a thu hwnt.

Medrwch ddarllen mwy am y Safonau Tystiolaeth, a sut y cânt eu cymhwyso yn rhaglen Gwireddu uchelgais yma (dolen)
Bydd gofyn i fudiadau ddangos pa mor dda y maent yn cyd-fynd â’r meini prawf yn y ffurflen datgan diddordeb. Ar sail y wybodaeth a dderbynnir, rhoddir mudiadau ar restr fer i fynd i gyfres o weithdai.
Caiff mudiadau y mae eu cynlluniau yn sgorio’n dda yn erbyn y meini prawf allweddol eu gwahodd i gyflwyno cynigion llawn, a gymerir at banel.